रातोघर
काठमाडौं ।
कैलाली र कंचनपुरमा बिहीबार रातिको हावाहुरीमा परी ज्यान गुमाउनेको संख्या २ पुगेको छ । दुवै जिल्लामा १०९ जना घाइते भएको प्रहरीले जनाएको छ ।
कैलालीको टीकापुर नगरपालिका २ मा लाहनु डगौराको मृत्यु भएको छ। त्यस्तै गोदावरी नगरपालिका ८ मा हावाहुरीमा परी वीरवहादुर चौधरीको मृत्यु भएको छ।
पुर्बबाट पश्चिम गइरहेको बा ३ प ३८३६ नम्बरको टिप्परले से १ प ५८५१ नम्बरको मोटरसाइकललाइ ठक्कर दिदा मोटरसाइकल चालकको मृत्यु भएको हो। घाइते अधिकाशको सेती अस्पतालमा उपचार भइरहेकोछ।
हावाहुरीका कारण अहिलेसम्म कैलालीमा ७६ जना घाइते भएका छन् । कञ्चनपुरमा ३३ जना घाइते भएका छन्। गम्भीर चारजनालाई उपचारका लागि भारत र नेपालगन्ज पठाइएको छ।
क्षतिको थप विवरण संकलन भइरहेको प्रहरीले जनाएको छ। हावाहुरीका कारण घर टहराको छाना उडेको छन् भने रुखहरु ढलेको जिल्ला प्रहरी कार्यालय कैलालीका प्रमुख सुदीप गिरीले जानकारी दिए । ठाउँठाउँमा रुखहरु ढल्दा सडक अवरुद्ध भएको छ । बिजुलीका पोल ढल्दा कतिपय स्थानमा विद्युत सेवा समेत अवरुद्ध बनेको छ ।
घटनास्थलमा प्रहरीले उद्धार कार्यलाई तीव्रता दिएको छ । यसैबीच, डोटीको पूर्वीचौकी गाउँपालिका–३ गैरागाउँमा चट्याङ लागेर ६ जना घाइते भएका छन्।बिहीबार साँझ वर्षासँगै आएको हावाहुरी र चट्याङमा परी ६ जना घाइते भएको जिल्ला प्रहरी कार्यालय डोटीका प्रमुख प्रहरी उपरिक्षक बिद्यानन्द माझीले जानकारी दिए ।
-kkhabarhub
Write your Comment