बसले ठक्कर दिंदा विद्यार्थी नेता देवकोटाको मृत्यु

रातोघर

 ८ मंसिर २०७८, बुधबार ०९:१९  मा प्रकाशित
११४ पाठक संख्या


८ मंसिर, गोरखा । नेकपा (माओवादी केन्द्र) निकट अखिल (क्रान्तिकारी) पालुङटार नगर कमिटी संयोजक सुवर्ण देवकोटाको स्कुटर दुर्घटनामा परी मृत्यु भएको छ ।

मंगलबार तनहुँको भन्सारमा उनी चढेको बा४५प २३८ नम्बरको स्कुटरलाई ना६ख ९१३४ नम्बरको बसले ठक्कर दिएको थियो ।

ठक्करबाट घाइते उपचारका लागि दमौली अस्पताल लैजाँदै गर्दा मृत्यु भएको इलाका प्रहरी कार्यालय भानुमुकाम तनहुका सइ डम्बर क्षेत्रीले बताए ।

‘ओभरटेक गर्ने क्रममा बसले ठक्कर दिएको रहेछ, बस र चालक हामीले नियन्त्रणमा लिइसकेका छौं,’ उनले भने । मृतक देवकोटा पालुङटार नगरपालिका-४ निवासी हुन् ।

Write your Comment