जेठ १३ सिमरा: नेकपा एकीकृत समाजवादीका अध्यक्ष एवम् पूर्व प्रधानमन्त्री माधवकुमार नेपालले काठमाडौं महानगरपालिकालाई उत्कृष्ट सहर बनाउने सन्दर्भमा नवनिर्वाचित मेयर बालेन्द्र शाह (बालेन) साहसँग सहकार्य गर्न आफ्नो पार्टी तयार रहेको बताएका छन् ।
नेपालले लोकप्रिय मतसहित काठमाडौंको मेयरमा निर्वाचित भएका साहलाई बधाई दिँदै सफल कार्यकालको शुभकामना पनि दिए ।
‘यहाँले सार्वजनिक रूपमा प्रतिबद्धता गरे अनुरूप काठमाडौंलाई उत्कृष्ट सहर बनाउनेलगायतका सबै असल कार्यमा सहयोग एवम् सहकार्य गर्न हाम्रो पार्टी सदैब तत्पर रहेको छ,’ नेपालले जारी गरेको सन्देशमा उल्लेख छ ।
नेपालले काठमाडौं महानगरपालिकाका नवनिर्वाचित उपप्रमुख, वडाध्यक्षहरू तथा सम्पूर्ण जनप्रतिनिधिहरूलाई समेत बधाई तथा शुभकामना दिए । नेता नेपालले केही दिन अघि बागमती प्रदेशको राजधानी हेटौंडा आएर आफ्ना कार्यकर्ताहरुलाई धरान उपमहानगरपालिकाका नवनिर्वाचित मेयर हर्क साम्पाङ जस्तै बन्न निर्देशन दिएका थिए ।
Write your Comment