बाराका प्रमुख जिल्ला अधिकारी सापकोटाको सरुवा

सिमरा ।

जिल्ला प्रशासन कार्यालय बारामा कार्यरत प्रमुख जिल्ला अधिकारी परिवर्तन भएको छ ।

बारामा प्रमुख जिल्ला अधिकारी नवराज सापकोटाको सरुवा भएसंगै प्रजिअ परिवर्तन हुने भएको हो ।

बिगत ११ महिना देखि जिल्लाको शान्ति सुरक्षाको जिम्मेवारी सम्हाल्दै आउनु भएका प्रजिअ सापकोटाको गृहमन्त्रालय वा गृह मन्त्रालय अन्तर्गतमा सरुवा भएको छ ।

गृह मन्त्रालयले दुई जिल्लाहरुको प्रमुख जिल्ला अधिकारी सरुवा गरेसंगै बाराका सापकोटाको पनि सरुवा भएको छ ।

उपप्रधानमन्त्री एवम् गृहमन्त्रीस्तरको निर्णयनुसार मन्त्रालयले बारा र लमजुङ्गका प्रमुख जिल्ला अधिकारीलाई मन्त्रालयमा सरुवा भएको हो ।

बाराबाट सरुवा भएका सापकोटाको स्थानमा गृहमन्त्रालयले गृहमन्त्रालयमा कार्यरत सह–सचिव शशिधर घिमिरेलाई पठाउने भएको छ ।

प्रजिअ सापकोटाको बाराको बसाई एक बर्ष पुग्नै लाग्दा उनको सरुवा भएको छ । प्रजिअ सापकोटा २०७९ माघ २८ गते जिल्ला प्रशासन कार्यालय बारामा हाजिर भएका थिए ।