कारमा २६ किलो गाँजा सहित दुईजना पक्राउ

बारा प्रहरीले २६ कजी अबैध लागु औषध गाँजा सहित दुईजनालाई नियन्त्रण लिएको छ ।

विहिबार विहान ५ बजेको समयमा प्रहरी चौकी पथलैयाले बा ४ च ५७० नम्बरको कार रोकी चेक जाँच गर्ने क्रममा कारमा उक्त परिमाणको गाँजा बरामद गरेको हो ।

पक्राउ पर्नेहरुमा कारका चालक भारत बिहार राज्य सुमौलीका ३० बर्षिय दिपकचन्द्र देव र अर्का कारमा सवार मकवानपुर राकसिराङ्ग २ बस्ने २८बर्षका अन्जन शाह छन् ।
उनीहरुलाई जितपुरसिमरा उपमहानगरपालिका वडा नं.१ पथलैया चोकबाट प्रहरी निरिक्षक नरेश शाहीको टोलीले नियन्त्रणमा लिएको हो ।

कारको सिट मुनि लुकाई राखेका ५ पोका(२६ के.जि.) गाँजा फेला पारेको हो । लगतै कार,कार चालक र कारमा सवार मानिसहरू नियन्त्रणमा लिई थप अनुसन्धान भैरहेको बारा प्रहरी प्रवक्ता डिएसपी दधिराम न्यौपानेले बताउनु भयो ।