काठमाडौं — जनआक्रोश र बढ्दो राजनीतिक तनावबीच काठमाडौं महानगरका मेयर बालेन शाहले सामाजिक सञ्जालमार्फत दिएको तीखा अभिव्यक्ति अहिले व्यापक चर्चा भइरहेको छ।
शाहले लेखेका छन् —
“तुइन र काठको पूल बनाउने नेताहरू भन्छन्, यो देश विदेशीले बिगार्यो।
Visa पाउन तिमीहरूको घर धाउनु पर्छ, अरूलाई एजेन्ट भन्छौ!
आन्दोलनमा पूरै देश एमालेले काँग्रेसको जलाउँछ, काँग्रेसले एमालेको जलाउँछ,
दोष आफ्ना बालबच्चालाई दिन्छौ!
चियाको टाइममा रगत पिएर अरूलाई लुसिफर भन्छौ!
लाज लाग्दैन?”
शाहको यो अभिव्यक्तिले देशको राजनीतिक संस्कृतिप्रति असन्तोष र नेताहरूको दोहोरो चरित्रप्रति रोष प्रकट गरेको रूपमा लिइएको छ। उनले वर्तमान राजनीतिक दलहरूबीचको आरोप–प्रत्यारोप र समाजमा बढ्दो विभाजनलाई प्रहार गरेका छन्।
सामाजिक सञ्जालमा उनको उक्त पोस्टले तीव्र बहस सिर्जना गरेको छ। समर्थकहरूले शाहको कुरा साँचो र जनताको मनको आवाज भएको प्रतिक्रिया दिएका छन् भने आलोचकहरूले उनलाई जिम्मेवार पदमा बसेर संयमित अभिव्यक्ति दिन आग्रह गरेका छन्।
राजनीतिक विश्लेषकहरू भन्छन् — बालेन शाहको टिप्पणी केवल भावनात्मक आवेश होइन, देशको वर्तमान राजनीतिक अस्वस्थता र जनआक्रोशको प्रतिविम्ब हो। उनीहरूका अनुसार, नेताहरूले जनताको निराशा बुझेर आत्मसमीक्षा गर्ने समय यही हो।
शाहको भनाइले अब नेताहरू र नागरिकबीचको बहसलाई अझ चर्काएको छ — देश बिगार्ने को? विदेशी प्रभाव, कि आफ्नै असक्षमता?
यो प्रश्नको उत्तर खोज्दै जनआक्रोश अझ व्यापक बन्दै गएको छ।
Write your Comment