चौथो अन्तराष्ट्रिय भेट्रान फुटबल प्रतियोगिता सिमरामा असोज १ देखी

बारा : जिल्लाको जितपुरसिमरा उपमहानगपालिका वडा नं. १ सिमरामा चौथो अन्तराष्ट्रिय जीतपुरसिमरा भेट्रान कप फुटबल प्रतियोगिता २०८१ हुने भएको छ ।

“खेलाडीहरुको हौसला एवं प्रोत्साहन, खेलकुद नै राष्ट्र र स्वास्थ्यको आयाम” भन्ने नाराका साथ सिमरा भेट्रान क्लब सिमराको आयोजनामा आगामी असोज १ गतेदेखि प्रतियोगिता हुन लागेको हो । प्रतियोगिता बारे शनिबार आयोजकले पत्रकार सम्मेलन गरी जानकारी गराएको हो ।

सिमरा रंगशालामा विहान र बेलुकीगरी दुईसिफ्टमा संचालन हुने प्रतियोगितामा नेपाल र भारतका ३ गरी १२ वटा टिमको सहभागिता रहने बताईएको छ ।

प्रतियोगितामा युनिटि क्लब बिरगञ्ज, हेटौडा भेट्रान क्लब, मकवानपुर, चितवन भेट्रान फुटबल क्लब चितवन, रियल फ्रेन्ड भेट्रान सिकिम, सरस्वतीनगर भेट्रान क्लब काठमाण्डौ, हाम्रो धरान फुटबल क्लब धरान सहभागि छन् ।

यसैगरी कटारी टाईगर भेट्रान क्लब कटारी, पोखरा भेट्रान पोखरा, लेजेन्ड भेट्रान्स, दार्जलिङ्ग भारत, क्लिभ हाउस भेट्रान फुटबल क्लब कलकता भारत र आयोजक सिमरा भेट्रान क्लब सिमराको सहभागिता रहने आयोजक क्लबका सचिव हरि चौधरीले जानकारी दिुनुभयो ।

एक टिमको टुंगो लाग्न बाँकी छ ,केही दिनभित्रै टुंगो लाग्ने उहाँले बताउनु भयो । प्रतियोगिताको विजयी टिमले नगद ३ लाख र उप बिजेताले १ लाख ५० हजार रुपैया पुरस्कार पाउने जनाईएको छ ।

३२ लाख ५३ हजार रुपैयाको अनुमानित लागतमा प्रतियोगिता सम्पन्न गर्नेगरी गरिने क्लबका अध्यक्ष राजकपुर राउत विजयले जानकारी दिनु भयो । उहाँको संयोजकत्वमा मुल आयोजक समिति गठन गरिएको छ ।

अध्यक्ष राउतका अनुसार भेट्रान प्रतियोगितामा देशभरीमै यो पुरस्कार राशी सबैभन्दा धेरै हो । असोज ५ गतेसम्म चल्ने प्रतियोगिता आन्तरीक तयारी तिब्र रुपमा भईरहेको उहाँले बताउनुभयो ।

खेल र खेलाडीलाई प्रँेत्सान गर्दै खेल क्षेत्रको विकाससंगै आन्तरीक पर्यटन प्रवद्र्धन गर्ने उदेश्यका साथ आयोजना गर्न लागिएको प्रतियोगिताको मुख्य प्रायोजकमा हुलास स्टिल सिमरा रहेको छ । प्रतियोगिताको सह प्रायोजकमा जगदम्बा स्टिल, सिमरा, नेपाल लुब आयल, नबिल बैंक, सिमरा प्रभु बैंक, सिमरा, यु आर गोल्ड प्रिमियम मसला चिया रहेको छ ।

यसैगरी मुख्य संहयोगी संस्थाको रुपमा जीतपुरसिमरा उपमहानगरपालिकाको कार्यालय र सहयोगी संस्थाको रुपमा जीतपुरसिमरा उपमहानगरपालिका वडा नम्बर १ देखि २४ वटै वडा कार्यालय र कोयष्ट फर्मास्विटकल्स रहेको छ । यस्तै मेडिकल पार्टनरमा एभरग्रिन तराई हस्पिटल, सिमरा, एल.एस न्युरो हस्पिटल, नौतन, बारा, सुसप्त मेडिकल, सिमरा रहेको छ ।

ब्रँेडकाष्टिङ्ग पार्टनरमा गोल नेपाल डटकम, ईन्सुरेन्स पार्टनरमा लुम्बिनी सगरमाथा ईन्सुरेन्स सलिको, सिमरा, ईन्टरनेट पार्टनरमा वल्डलिंक, सिमरा, लण्ड्री पार्टनरमा यु आर अटोमेटिक लण्ड्रि रहेको छ ।

पत्रकार सम्मेलनमा नेपाल पत्रकार महासंघ बारा शाखाका अध्यक्ष रेशम तिवारी, नेपाल पत्रकार महासंघ मधेश प्रदेशकी सदस्य लक्ष्मी खरेल, जीतपुरसिमरा उपमहानगरपालिका वडा नम्बर २ का वडा सदस्य विशाल घिमिरे, क्लबका सल्लाहकार संयोजक बिनोद परियार, सदस्य राजु तिमल्सिना लगायतको उपस्थिति रहेको थियो ।

आयोजक क्लबका अध्यक्ष राउतको अध्यक्षता, क्लबका सल्लाहकार संयोजक बिनोद परियारले स्वागत र सञ्चार क्लबका सदस्य एवं प्रचार प्रसार समितिका संयोजक प्रदिप गौतम संचालनमा पत्रकार सम्मेलन भएको थियो ।