वर्ल्डलिंकले देशका विभिन्न सहरहरूमा आयोजना गरिरहेको फास्ट बलर छनोट प्रतियोगितामार्फत प्रतिभाशाली खेलाडीहरू पहिचान गरिरहेको छ। यस छनोट प्रक्रियाबाट उत्कृष्ट खेलाडीहरू चयन गरिनेछन्।
छनोटमा परेका खेलाडीहरूलाई काठमाडौंमा नेपाली राष्ट्रिय क्रिकेट टोलीका पूर्व कप्तान Gyanendra Malla को नेतृत्वमा विशेष प्रशिक्षण प्रदान गरिनेछ। उक्त प्रशिक्षणपछि उत्कृष्ट प्रदर्शन गर्ने खेलाडीहरूलाई थप उन्नत तालिमका लागि भारतका चेन्नई र बैंगलोर पठाइने कम्पनीले जनाएको छ।
यस कार्यक्रमबाट यसअघि पनि सुदूरपश्चिम टिमबाट राष्ट्रिय स्तरमा खेलिसकेका Hikmat Mahara जस्ता प्रतिभाशाली खेलाडी उत्पादन भइसकेका छन्। वर्ल्डलिंकले यसअघि दुई संस्करण सफलतापूर्वक सम्पन्न गरिसकेको छ भने अहिले तेस्रो संस्करण सञ्चालन भइरहेको छ। यसै क्रममा सिमरामा पहिलो पटक यो कार्यक्रम आयोजना हुन लागेको हो।
सिमरा क्षेत्रमा क्रिकेटप्रतिको बढ्दो आकर्षणलाई ध्यानमा राख्दै यसपटक सिमरालाई पनि कार्यक्रममा समावेश गरिएको वर्ल्डलिंक सिमरा शाखाका प्रबन्धक सबिन के.सी.ले जानकारी दिएका छन्।
भोलि सिमरामा आयोजना हुने फास्ट बलर छनोट कार्यक्रममा चर्चित क्रिकेट कमेन्टेटर Andrew Leonard (टक्लु दाइ) विशेष अतिथिको रूपमा सहभागी हुने अपेक्षा गरिएको छ।
यो कार्यक्रम कोशी प्रदेशबाट सुरु भई हाल मधेश प्रदेशमा सञ्चालन भइरहेको छ। बारा र पर्सामा कार्यक्रम सम्पन्न गरेपछि हेटौंडा, चितवन हुँदै सुदूरपश्चिमसम्म विस्तार गर्ने योजना रहेको छ। कम्पनीले यो सम्पूर्ण कार्यक्रम बैशाख महिनाभित्र सम्पन्न गर्ने लक्ष्यसहित तालिका सार्वजनिक गरेको छ।
Write your Comment