प्रहरी हिरासतमा बिरामी परे महरा, उपचारका लागि अस्पताल भर्ना

रातोघर

 २३ आश्विन २०७६, बिहीबार १४:४९  मा प्रकाशित

काठमाडौं ।
जबरजस्ती करणी उद्योग (बलात्कार प्रयास) मुद्दाको अनुसन्धानका क्रममा प्रहरी हिरासतमा रहेका पूर्व सभामुख कृष्णबहादुर महरा बिरामी परेका छन् ।
सोमबारदेखि प्रहरी हिरासतमा रहेका महराको स्वास्थ्यमा समस्या देखिएपछि अस्पताल भर्ना गरिएको छ ।

महानगरीय प्रहरी परिसर काठमाडौं स्रोतका अनुसार महरालाई उपचारका लागि थापाथलीस्थित नर्भिक अस्पताल भर्ना गरिएको छ ।
महरामा उच्च रक्तचापको समस्या छ । बुधबार साँझदेखि उनमा श्वासप्रश्वासको समेत समस्या देखिएको जनाइएको छ ।

संघीय संसद सचिवालयमा कार्यरत एक महिला कर्मचारीमाथि यौन दुर्व्यवहार गरेको आरोप लगोका महरा अहिले अनुसन्धानको लागि प्रहरी हिरासतमा छन् ।
महराको बिहीबारै बयान समेत भएको जिल्ला सरकारी वकिल कार्यालय काठमाडौं स्रोतले जनाएको छ ।

जिल्ला सरकारी वकिल कार्यालय काठमाडौंमा बयान पछि महरालाई अस्पताल लगिएको हो । साभार: खबरहब डटकम

Write your Comment