नेपालमा कारोना संक्रमण तिब्र रुपमा बढ्दै

सरकारले खुकुलो बनाएको लकडाउनमा अपनाउनु पर्ने सुरक्षा उपायहरु सर्वसाधारण बाट अवज्ञा भैरहेको बेला नेपालमा कोरोना भाइरस संक्रमण भने तिब्र रुपमा बढेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार शुक्रवार २४ घण्टा भित्र थप ७४० जनामा संक्रमण पुष्टि भएको हो । उनका अनुसार यो संख्या हाल सम्मको एकै दिनमा संक्रमित हुनेको संख्याको सबै भन्दा धेरै रेकर्ड हो ।

यो संख्या सहित नेपालमा कोरोना संक्रमीत हुनेहरुको कुल संख्या १५ हजार २५९ पुगेको छ । यसै विच शुक्रवार २४ घण्टामा ८२३ जना कोरोनामुक्त भएका छन् । उक्त संख्या सहित हालसम्म निको हुनेको कुल संख्या ६ हजार १ सय ४३ पुगेको छ । २४ घण्टामा ४ हजार ४ सय ८३ जनाको पिसिआर परीक्षण भएको छ । यो समेत नेपालमा पिसिआर परिक्षण हुनेको संख्या हालसम्म २ लाख ४२ हजार पुगेको छ । यसै विच कोरोना संक्रमण बाट नेपालमा मृत्यु हुनेको संख्या ३२८ जना पुगेको छ ।

मन्त्रालयका अनुसार पछिल्लो समय कोरोना बाट मृत्यु हुनेमा काठमाण्डू नया“ बानेश्वर बस्दै आएका एक ८५ वर्षीय वृद्ध छन् । असार १७ गते मृत्यु भएको उनको पिसिआर परीक्षण गर्दा पोजेटिभ नतिजा आएको बताइएको छ ।