उपत्यकाका सबै नाका साँझ ७ बजेदेखि बिहान ७ बजेसम्म बन्द, अत्यावश्यक बाहेक सवारी पास जारी नगर्न निर्देशन

सरकारले अत्यावश्यक काम बाहेक अन्तर जिल्ला सवारी आवागमनका लागि पास जारी नगर्न निर्देशन दिएको छ । गृह मन्त्रालयले बिहीबार एक विज्ञप्ती जारी गर्दै काठमाडौँ उपत्यका बाहेकका जिल्ला प्रशासन कार्यालयहरुलाई बिना पास अन्तर जिल्ला आवागमन पुर्ण रुपमा बन्द गराउन उक्त निर्देशन दिएको हो ।

यस्तै मन्त्रालयले सबै नाका साँझ ७ बजेदेखि बिहान ७ बजेसम्म बन्द गर्ने समेत जनाएको छ । मन्त्रालयले अर्को आदेश जारी नभएसम्मका लागि अत्यावश्यक र ढुवानी सेवाका सवारी साधन मात्र भित्रन पाउने जनाएको छ ।