मेरो मृत्युको कामना गर्नेलाई श्रद्धाञ्जली दिनु परेको छ : अदिती अर्याल

रातोघर

 ६ आश्विन २०७८, बुधबार २०:४७  मा प्रकाशित
२४७ पाठक संख्या


बिर्सिसकेको त्यो अतीत आज फेरि सम्झिनु परेको छ

मेरो मृत्युको कामना गर्नेलाई श्रद्धाञ्जली दिनु परेको छ

 

 

दुनियाँ विश्वासमा चल्छ विश्वास लाग्दैन कसरी भनूँ

कसैको भरोसा गर्दा खुब पीडामा तड्पिनु परेको छ

 

 

समय एकनास हुँदैन न त कसैको बाहुमा अडिग हुन्छ

म टुट्दा खुशी हुनेहरू आज आफैं टुक्रिनु परेको छ

 

म स्वतन्त्र भएर मेरा खुशीहरू देखाउँथेँ दुश्मनहरूलाई

समयको परिबन्धले गर्दा अझै यसरी बाँधिनु परेको छ

 

मेरो खुट्टा तान्दै गर, गिराऊ मलाई, ताली पिट अझै

मेरो सफलता नजिकिँदै छ केही समय पर्खिनु परेको छ

 

 

अदिती अर्याल

कुलेश्वर-१४, काठमाडौं

Write your Comment