असार ५,झापा:
झापाको दमकमा बस्दै आएका ७५ वर्षीय डा.भम्पा राईको निधन भएको छ । उनको आज बिहान २ बजेर ४० मिनेटमा विराटनगरस्थित नोबेल अस्पतालमा उपचारको क्रममा निधन भएको हो ।
राईको आइतबार किरात संस्कारअनुसार दमकमा अन्त्येष्टि गर्ने तयारी छ । पेट सम्बन्धी समस्याबाट पीडित रहेका उनको पाँच दिन अघि उनको हर्नियाको शल्यक्रिया पनि भएको थियो ।
शनिबार दिउँसो मुटुको चालमा गडबडी भएपछि सुरुमा दमकस्थित लाइफलाइन अस्पतालमा त्यसपछि विराटनगरस्थित नोबल अस्पतालमा उपचारका लागि लगिएको थियो ।
भुटानी राजाका निजी डाक्टर रहेका उनी सन् १९९१ मा भुटानबाट नेपाली भाषीलाई लखेटिएपछि उनी आफ्नै इच्छाले नेपाल आएका थिए ।
Write your Comment