मकवानपुरमा खोलाले बगाएर ४ वर्षीया बालिकाको मृत्यु

मकवानपुर ।

मकवानपुरको विकट कैलाश गाउँपालिकामा खोलाले बगाएर एक बालिकाको मृत्यु भएको छ । कैलाश- १०, भालटारमा मनहरी खोलाले बगाउँदा स्थानीय ४ वर्षीया प्रमिशा स्याङतानको मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक टेकबहादुर कार्कीले जानकारी दिए ।

आइतबार दिउँसो साथीहरूसँग खेल्न गएकी प्रमिशालाई खोलाले बगाउँदा मृत्यु भएको प्रहरी नायब उपरीक्षक कार्कीले बताए ।