सिमराः बारा प्रहरीले दुई सय ४० किलो लागूऔषध गाँजासहित दुई जनालाई पक्राउ गरेको छ ।
पक्राउ पर्नेमा राप्ती नगरपालिका–३ का ट्रक चालक २६ वर्र्षीय विज्ञान तिमल्सिना र सहचालक १८ वर्र्षीय बाबुकाजी परियार रहेका छन् ।
हेटौंडाबाट पथलैयातर्फ आउँदै गरेको ना४ख २०६३ नम्बरको ट्रकलाई रोकेर चेकजाँच गर्ने क्रममा १५ पोकामा दुई सय ४० किलो गाँजा बरामद भएकोे जिल्ला प्रहरी कार्यालय बाराले जनाएको छ ।
प्रहरीका अनुसार अमलेखगञ्जबाट खटिएको प्रहरी टोलीले ट्रकको क्याबिनसँग जोडिएको फल्स बटमभित्र चेकजाँच गर्दा लागूऔषध गाँजा फेला परेको थियो ।
प्रकाउ परेका दुवैलाई नियन्त्रणमा लिई आवश्यक कानुनी प्रक्रिया अगाडि बढाइएको र थप अनुसन्धान भइरहेको प्रहरी नायब उपरीक्षक प्रकाश सापकोटाले जानकारी दिए ।
Write your Comment