इन्द्र बानियाँ आज बागमती प्रदेशका मुख्यमन्त्रीको रूपमा शपथ ग्रहण गर्ने

हेटौंडा, मकवानपुर — नेपाली कांग्रेसका इन्द्रबहादुर बानियाँ आज बागमती प्रदेशको मुख्यमन्त्रीका रूपमा शपथ ग्रहण गर्न लागेका छन्। प्रदेश प्रमुखको कार्यालय हेटौँडाका अनुसार बानियाँको नियुक्ति आज दिउँसो ३ बजे र शपथ ग्रहण कार्यक्रम ४ बजेका लागि तय गरिएको छ।

मुख्यमन्त्रीसँगै नेकपा एमालेबाट सरकारमा सहभागी मन्त्रीहरू पनि आजै शपथ लिनेछन्। एमाले संसदीय दलका एक सांसदका अनुसार यसअघि सरकारमा सहभागी एक मन्त्री दोहोरिने छन् भने बाँकी ५ जना नयाँ अनुहारले मन्त्रीको जिम्मेवारी पाउनेछन्।

एमालेबाट प्रस्तावित मन्त्रीहरू :
किरण थापा मगर – स्वास्थ्य मन्त्रालय (पुनः नियुक्ति)

जयराम थापा – श्रम, रोजगार तथा यातायात मन्त्रालय

भरतबहादुर केसी – वन तथा वातावरण मन्त्रालय

मधुसूदन पौडेल – कृषि तथा पशुपन्छी विकास मन्त्रालय

डा. दिनेशचन्द्र देवकोटा – भौतिक पूर्वाधार विकास मन्त्रालय

बिन्दु श्रेष्ठ – उद्योग, वाणिज्य, भूमि तथा प्रशासन मन्त्रालय

एमालेले संसदीय दलका प्रमुख सचेतक मधुसूदन पौडेलको नेतृत्वमा सरकारमा सहभागिता जनाउने निर्णय गरेको छ। यद्यपि, अन्तिम समयमा मन्त्रालयको जिम्मेवारीमा केही हेरफेर हुन सक्ने स्रोतले जनाएको छ।