डिप्रेशनका कारण हराउन सक्छ अनुहारको सुन्दरता

काठमाडौं ।

डिप्रेसन एक प्रकारको मानसिक रोग हो, जसले हामीलाई धेरै स्वास्थ्य समस्या निम्त्याउन सक्छ।डिप्रेसनका कारण मानिसलाई हृदयघात पनि हुन सक्छ, वास्तवमा जब तनाव हर्मोन बढ्छ, मुटुको धड्कन पनि बढ्छ र यी सबै हृदयघातका लागि जिम्मेवार हुन्छन् । यसका कारण रोग प्रतिरोधात्मक क्षमता पनि कमजोर हुन्छ।

यसबाहेक धेरै प्रकारका शारीरिक समस्याहरु देखा पर्छन् । अब प्रश्न यो छ, डिप्रेशनले अनुहारमा पनि असर गर्छ कि गर्दैन?  के डिप्रेशनले छालालाई नोक्सान पुर्‍याउँछ?

के डिप्रेशनले छाला खराब निम्त्याउँछ?

विज्ञहरूका अनुसार हाम्रो छाला स्नायु प्रणालीसँग जोडिएको हुन्छ । त्यसैले हाम्रा भावनाहरूले हाम्रो मानसिक स्वास्थ्यलाई छालाको माध्यमबाट अभिव्यक्त गर्ने काम गर्छ।

मनमा कुनै कुरा चल्यो भने त्यसको भाव अनुहारमा देखिन्छ। चिन्ता, तनाव, डिप्रेशन, उच्च रक्तचाप, रिसजस्ता अवस्थाले चाउरी पर्ने, समयअघि कपाल झर्ने र अनुहारको चमक हराउन थाल्छ।

डिप्रेशनले छालालाई कसरी असर गर्छ?

-चिन्ता, तनाव र डिप्रेसनका कारण फाइन लाइनको समस्या बढ्न सक्छ। कुनै पनि कुराको बारेमा सोच्दा प्रायः आफ्नो आँखी भौँ खुम्चिन्छ। जसका कारण छालामा फाइन लाइनहरु आउन थाल्छ ।

-जब मानिसहरू चिन्ता र तनावको कारण गहिरो निद्रा लिन असमर्थ हुन्छन्। यदि सुत्ने बानी बिग्रियो भने आँखा मुनि कालो घेरा आउन थाल्छ । निन्द्रा नपुग्दा आँखाको स्नायुमा दबाब पर्दा आँखा मुनि कालो घेरा बन्ने गर्छ ।

-डिप्रेसनमा मानिसले न त राम्रोसँग खाना खान्छ न त सन्तुलित आहार नै लिन्छ । पानी कम पिउँदा डिहाइड्रेसनको समस्या हुन्छ। यसको प्रभाव छालामा पनि देखिन्छ। पानीको कारण छालामा सुख्खाप आउन थाल्छ।

-डिप्रेसनमा कोर्टिसोल हर्मोन प्रभावित हुन्छ । यो अवस्थाले तपाइँकाे हर्मोनलाई असर गर्छ। अनि अनुहारमा समस्या आउन सुरु हुन्छ।