बलात्कार आरोपी बाबालाई एम्बुलेन्समा हालेर प्रहरी चौकीमा

इटहरी, आफ्नै अनुयायीलाई बलात्कार गरेको आरोप लागेका सिद्धबाबा उर्फ कृष्णदास गिरीलाई जिल्ला प्रहरी कार्यालय सुनसरीले नियन्त्रणमा लिएको छ । जिप्रका सुनसरीका प्रबक्ता बिनोद शर्माको नेतृत्वमा बिराट नर्सिङ होमबाट उनलाई आज बिहानै ५ बजे ल्याईएको छ ।

‘हामीले हिजो पनि उनलाई अदालतमा हाजिर गराउँनका लागि बिराटनगर गएका थियौँ, शर्माले राजधानीसँग भने, उनको स्वास्थ्य अवस्था सामान्य रहेकाले हामीले आज अदालतमा हाजिर गराउँनेछौँ । उनलाई हिजै अदालतमा हाजिर गराउँने भनिए पनि अचानक श्वासप्रश्वास बढेकाले आईसियुमा भर्ना गरिएको थियो । उनलाई आजै सुनसरी जिल्ला अदालतमा म्याद थपको लागि लगिने शर्माले जानकारी दिए ।