जनता मा.वि रजघट्टाको ३४ औं विद्यालय बार्षिक उत्सव विहिवार सम्पन्न भएको छ । ३४ औं विद्यालय बार्षिक उत्सवको अवसरमा विद्यालयले सञ्चालन गरेको छात्र बृद्धि कोषमा एस फाउण्डेशन अफ नेपाल बाराले बार्षिक रु.२० हजारको दरले हरेक बर्ष छात्र बृद्धि दिने भएको छ । सो रकममा करिब १२ जना विद्यार्थीले निशुल्क पठन पाउने विद्यालयले जनाएको छ ।
बार्षिक उत्सव कार्यक्रममा संस्थाका अध्यक्ष बेद भट्टले विद्यालयलाई चेक हस्तान्तरण गरेको थियो । विद्यालयमा अध्यन गरेका पुर्व विद्यार्थीहरुले ब्यक्तिगत संस्थागत रुपमा छात्र बृद्धि कोषमा सहयोग गरि रहेको विद्यालयले जनाएको छ । एस फाउण्डेशन जनता मा.वि. बाट २०६३ सालमा एस.एल.सि. दिने पुर्व विद्यार्थीहरुले सञ्चालन गरेको सामाजिक संस्था हो ।
एस फाउण्डेशन नेपालले बार्षिक रुपमा बारा महोत्सवको कार्यक्रम समेत गर्दै आएको छ भने हालै कपडा बैंक कार्यक्रम समेत सञ्चालन गरेको छ । कपडा बैंकमा संकलन गएको ७ सय थान कपडा पहिलो चरणमा यहि पौष १५ गते जीतपुरसिमरा–११ को खेस्रोलको मुसहर बस्तिमा पुगेर कपडा वितरण गरेको थियो । दोस्रो चरणको लागि कपडा संकलनभैं रहेको एस फाउण्डेशनका उपाध्यष रोशन ढकालले जानकारी दिए ।
palkhabar
Write your Comment