परवानिपुरमा तीनवटा मोटरसाइकलमा आगजनी

रातोघर

 १२ फाल्गुन २०७६, सोमबार १७:०७  मा प्रकाशित

क्रान्ति शाह,वीरगन्ज : पर्साको परवानीपुरमा नेपाली कांग्रेसका एक नेताको घरमा पार्किङ गरेर राखिएका ३ वटा मोटरसाइकलमा अपरिचित समूहले आगजनी गरेको छ। पर्साको वीरगन्ज महमनगरपालिका २१ परवानीपुरका किशोरी ठाकुरको घरको बरण्डामा राखिएका ३ वटा मोटरसाइकलमा आइतबार राती आगजनी गरेको हो ।

आगजनीबाट ना १० प ८५५४, ना ३२ प १८२८ र प्रदेश २- ०- ३००५ प ७८६३ नम्बरको ३ वटै मोटरसाइकल पूर्णरुपमा जलेर नष्ट भएको छ। आगजनीबाट ठाकुरको घरको पर्खालमा समेत क्षति पुगेको छ । आइतबार राती १२ बजेतिर आएका अपरिचित व्याक्ति‍ले घरको बरण्डामा पेट्रोल छर्किएर मोटरसाइकलमा आगो लगाएर फरार भएको घरधनी ठाकुरका भतिजा अभिषेक ठाकुरले बताए ।

परवानीपुरबाट पटेलनगर जाने सडक फराकिलो बनाउने काम ठाकुरकै अगुवाइमा भइरहेको र सडक विस्तारका क्रममा केही दिनअघि स्थानीय केही व्याक्तिसँग विवाद भएकाले त्यसैको रिसबीमा आगजनी गरेको हुनसक्ने आशंका अभिषेकले बताए ।

आगजनी गरेको आशंका प्रहरीले सोमबार ठाकुरका छिमेकी राजाराम यादवले नियन्त्रणमा लिएको छ। सोमबार घटनास्थलमा पुगेकी पर्साकी प्रहरी उपरीक्षक गंगा पन्तले सोधपुछका लागि एकजनालाई नियन्त्रणमा लिएर अनुसन्धान गरिरहेको बताइन्।

annapurna post

Write your Comment