बारा।
बाराको जीतपुरसिमरा उपमहानगरपालिका वडा नम्बर २३ ले ६० जना छठ ब्रतालुहरुलाई साडी सहयोग गरेको छ । धार्मिक सहिसुणता कायम राख्न यस वडाका वडा अध्यक्ष असलम देवानले साडी वितरण गर्नुभएको हो ।
उपमहानगरका सक्रिय वडा अध्यक्षका रुपमा चिनिएका वडा अध्यक्ष देवानले आफ्नो वडाको ताजपुरमा रहेको दलित बस्तिमा साडी वितरण गरेको जानकारी दिनुभयो । हिन्दुहरुको महान पर्व छठमा नयाँ नयाँ कपडाका साथै चोखो समाग्री प्रयोग गरिने भएको तर गरिब तथा विपन्न परिवारलाई कपडा किन्न नसक्ने भन्दै आफुले कपडासहयोग गरेको जानकारी दिनुभयो ।
वडा अध्यक्ष देवानले वडा नम्बर २३ मा छठ गर्ने ६० जना ब्रतालु सबैलाई साडी सहयोग गरेको र आवश्यक्ता अनुसार पर्व गर्न चाहिने अन्य समाग्रीपनि सहयोग गर्ने जानकारी दिनुभयो ।
सहयोग हस्तान्तरण कार्यक्रममा वडा अध्यक्ष देवान सहित वडा सदस्य रहिम लुवा, अमरुन नेसा, शशीकला देबि र वडा सचिव रनधिर प्रसाद यादबको उपस्थिती रहेको थियो ।
Write your Comment