सिमरा–पथलैया सडक खण्डमा दुई मोटरसाइकल ठोक्किँदा २ जनाको मृत्यु एक घाइते

सिमरा । बाराको जितपुरसिमरा उपमहानगरपालिका–२ पानिट्याङ्की नजिक दुई मोटरसाइकल एकआपसमा ठोकिएर दुर्घटना हुदाँ २ जनाको मृत्यु भएको छ । दिउसो करिब १ बजे सिमरा–पथलैया सडक खण्डमा दुईवटा मोटरसाइकल आपसमा ठोकिंदा तीनजना गम्भीर घाइते भएका थिए । घाईतेहरुलाई इलाका प्रहरी कार्यालय सिमरा बाराले उद्दार गरी अस्पताल पठाएको थियो ।

बा.प्र. ०६–००३ प १७५३ नं.को मोटरसाइकलमा सवारीसप्तरी, बसवलपुर नगरपालिका–७ का २८ वर्षीय महेश पण्डित गम्भीर घाइते भएका थिए । उनको टाउको र बायाँ खुट्टामा चोट लागेको थियो । एल.एस. न्युरो अस्पताल परवानिपुरमा उपचारको क्रममा २ः३७ बजेको उनको मृत्यु भएको अस्पतालले जनाएको छ ।

सोही दुर्घटनामा बा.९० प.६७९४ नम्बरको मोटरसाइकलमा सवार रौतहट, गुजरा गाउँपालिका–७ परसवाका २५ वर्षीय रोशन चौधरीको कलैया प्रादेशिक अस्पतालमा उपचारको क्रममा ३ः२० बजे मृत्यु भएको अस्पतालले जनाएको छ ।

त्यस्तै,सोही मोटरसाइकलमा पछाडि सवार देवल चौधरीका छोरा बर्ष ३४ को भुपेन्द्र चौधरीको दाहिने हात र बायाँ खुट्टामा गम्भीर चोट लागेको छ । उनको परवानिपुरस्थित एल.एस. न्युरो अस्पतालमा उपचार भइरहेको प्रहरीले जनाएको छ। दुर्घटनामा परेका दुबै मोटरसाइकल प्रहरीले नियन्त्रणमा लिई घटनाको थप अनुसन्धान गरि रहेको प्रहरी जनाएको छ।