बारामा अवैध सालको काठसहित ट्याक्टर नियन्त्रणमा

सिमरा। सशस्त्र प्रहरीले बाराको कोल्हबी नगरपालिका–८ नयाँबस्तीबाट शनिबार अवैध सालको काठसहित ट्याक्टर नियन्त्रणमा लिएको छ।

सशस्त्र प्रहरी नायब निरीक्षक सुनिल कुमारको नेतृत्वमा सशस्त्र प्रहरी र सब–डिभिजन वन कार्यालय मधुबनको संयुक्त टोलीले २५ क्युफिट सालको काठसहित ट्याक्टर बरामद गरेको हो। बरामद सामानको मूल्य करिब १० लाख ६० हजार रुपैयाँ बराबर रहेको बताइएको छ।

बरामद काठ र ट्याक्टरलाई आवश्यक कारबाहीका लागि सब–डिभिजन वन कार्यालय मधुबनमा बुझाइएको छ।