‘भ्रष्ट नेताहरूलाई चुनाव लड्नै नदिनेः सुदन गुरुङ’

काठमाडौं । जेन-जी आन्दोलनका अभियन्ता सुदन गुरुङले अबका दिनमा भ्रष्टाचारमा संलग्न नेताहरूलाई उन्मुक्ति नदिने चेतावनी दिएका छन् । उनले भ्रष्टाचारीहरूलाई कानुनी रुपमै घेराबन्दी गर्दै भविष्यमै चुनाव लड्न नसक्ने बनाने अभियान चलाइने बताए ।

उनका अनुसार जनताले दिएको म्यान्डेटको दुरुपयोग गर्नेहरूलाई सडकमा मात्रै होइन, अदालतमा समेत उभ्याइनेछ । “अब माफिया र ठेकेदारसँग मिलेर देश लुट्नेहरूलाई नाम मात्रको विरोध गरेर छोडिँदैन । प्रस्ट रूपमा भ्रष्टाचारको मुद्दा दर्ता गराएर उनीहरूलाई उम्मेदवार बन्न नसक्ने बनाइन्छ,” गुरुङले भने ।

उनले सबै युवालाई कानुनी लडाइँका लागि तयारी सुरु गर्न आग्रह गर्दै भने, “सडकमा हौँ, अब अदालतमा पनि हामी नै हुनेछौँ ।”