बारा, चैत । नेपाल–भारतबीच आवत जावतका लागि निश्चित नाका मात्रै खुला राख्ने निर्णयलाई गतल ढंगले ब्याख्या गरी व्यापारीहरुले खाना पकाउने ग्यास लगायतका उभोग्य वस्तुको अभाव देखाउन थालेका छन् ।
माल सामान आपूर्तिमा कुनै समस्या नहुँदा नहुँदै पनि तराईका जिल्लाहरुमा ग्यासको कृत्रिम अभाव देखिएको छ ।
डिलर र विक्रेताहरुले अनुचित लाभ लिन ग्यास तथा दैनिक उपभोग्य सामग्री लुकाउन थालेका छन् ।
बाराका सिमरा, जितपुर कलैया जस्ता ठूला बजारमै उपभोक्ताले सातादेखि ग्यास लिन पालो पर्खेका बसेका छन ।
वीरगन्ज नाका हुँदै गत शुक्रबार मात्रै १ सय १८ बुलेट अर्थात २१ लाख २४ हजार किलोग्राम ग्यास नेपाल भित्रिएको छ ।
जस मध्ये काठमाडौं उपत्याकाका लागि ५१ बुलेट र अन्य ठाउँका लागि ६७ बुलेट पठाइएको नेपाल आयल निगमले जनाएको छ ।
मानिसको आवत जावतमा निश्चित नाका तोकिए पनि मालसामान ढुवानीका लागि भने सवै नाकाहरु खुला रहने छन् ।
Write your Comment