हावाहुरीका कारण कोल्हबी नगरपालिकाको रामपुर्वामा करिब ३४ घरमा ठुलो क्षती

रातोघर

 १२ जेष्ठ २०७७, सोमबार ०९:१९  मा प्रकाशित

बारा जिल्लाको कोल्हबी नगरपालिका वडा नम्बर ११ रामपुर्वामा हिजो आइतबार राती ७ बजे आएको भिषण हावाहुरीका कारण ३४ घरमा क्षती भए संगै ५ वटा बिजुलीको पोल समेत ढलेको छ ।

अचानक आएका हावाहुरी संगै बर्षा हुंदा रामपुर्वाको सानो टोलमा दलित, गरिब र मजदुर लगायतका घरहरुमा क्षती पुगेको छ । कसैको घरको छाना उडाएर लग्को छ भने कसैको घर समेत ढलेको छ । क्षती हुनेमा अधिकाँस माझी र पास्वान लगायत थारुहरु रहेका छन ।

करिब पाँच वटा बिजुलीको पोल ढलेको हुँदा कोल्हबी नगरपालिका लगायत आसपासका क्षेत्रहरुमा बिजुलीको लाइन समेत काटिएको छ । बिद्युत नहुँदा बिभिन्न संघ संस्थाहरु, बित्तिय कारोबार गर्न कठिनाइ भैरहेको छ भने कोल्हबी नगरपालिका अवस्थित संचार क्षेत्रबाट सुचना , समाचार सम्प्रेशन गर्न एकदमै कठिनाइ भएको रेडियो कोल्हबीका प्रबक्ता एवं चेरवन्त खबरका सम्पादक नन्देश्वर चौधरीको भनाइ रहेको छ ।

Write your Comment