जगदम्बा स्टिलभित्र मजदुरको लाश , परिवारमा रुवाबासी (भिडियो)

सिमरा ।

देशकै ठुलो उद्योगका रुपमा रहेको जगदम्बा स्टिभित्र गएको २० गते एक कामदार मृत भेटिए । त्यसो त यो घटना नयाँ होइन ।

बर्षेनी उद्योगभित्र यस्ता घटनाहरु घटिरहेपनी उद्योग प्रशासनले सकभर घटनालाई लुकाउन खोज्ने र सार्वजनिक भइहाले क्षतीपुर्ती दिएर सामसुम पार्ने प्रवृती पुरानै हो ।

गएको २० गते मंगलबार बिहान उद्योग छिरेका कामदान कहिले नफर्किनेगरी उद्योगभित्रै अस्ताए । उनी हुन् जीतपुरसिमरा उपमहानगरपालीका २ का ५३ बर्षे नागरायण साह । उनी उद्योगमा मेसिनरी काम गर्थे ।

मृतककी श्रीमती महिन्द्रा साहका अनुसार उनी बिहान ८ बजे खाना खाएर साइकलमा उद्योग हिँडेका थिए । अपरान्ह् खवर आयो उद्योगमा एक कामदार बेहोस अवस्थामा छन् ।

श्रीमती सहित केही गाउँका स्थानिय उद्योग पुग्दा गेटमै उनीहरुलाई रोकियो । केही भएको छैन भन्दै उद्योगको मुलगेटबाटै उनीहरुलाई फर्काउन खोजियो ।

तर त्यसअघि नै सिमराको प्रहरीटोली भित्र छिरिसकेको रहेछ । घटनाको अवस्था हेर्दा रहस्यमय छ । मृतकले लगाएको चप्पल छुट्टाछुटै अवस्थामा छ । उनलै बोकेका केही कागजपत्र भुइँमा खसेको थियो भने मोबाइल सर्टको खल्तीमै थियो । तर मोबाइल स्विच अफ गरिएको थियो ।

उनलाई आफन्तले देख्दा घोप्टो अवस्थामा निधारमा हातले समाएको अवस्थामा थियो ।

मृतकका परिवारलाई शव छुन नदिई कोरोनाको कारण हुन सक्ने भन्दै उनको शव कोरोना परिक्षणका लागी बिरगञ्ज लगियो । तर रिपोर्ट नेगेटिभ देखियो ।

तर पछी उद्योग प्रशासनले मृतक कामदारलाई आफ्नो कामदार भएको स्विकार नगरेको परिवार स्रोतको भनाई छ । स्थानियका अनुसार उद्योगले भित्र कुनै काम बिशेषले गएको र अन्य कुनै कुरा जानकारी नभएको बताएका छन् ।

तर उनी लकडाउन अघि उद्योगमा काम सुरु गरेको बताइन्छ । हाँजिरी समेत गर्ने गरेको परिवार स्रोतको दाबी छ ।

यता एक मात्र कमाउने मान्छेले ज्यान गुमाएपछी परिवार शोकाकुल बनेको छ । परिवारले घटनाको उचित छानविन गरी दोषीलाई कारवाही र क्षतीपुर्तीको माग गरिरहेको छ ।

                                                                                                             (भिडियो)