को हुन फरमुल्लाह मन्सुर?

बारा- सबै कुरा छोडेर राजनीति रोज्नु सजिलो निर्णय होइन। फरमुल्लाह मन्सुर—यस्तै कठिन तर अर्थपूर्ण यात्राका यात्री हुन्। भन्नु भएको सबै बेचेर, व्यक्तिगत सुख–सुविधा त्यागेर समाजका लागि उभिनु त भन्नु दुर्लभ साहस हो। यस्तै साहसको नाम हो—फरमुल्लाह मन्सुर। उनी कुनै नाराको भीडमा चिच्याउने पात्र होइनन्, कुनै गाली–गलौजको भाषामा रमाउने नेता पनि होइनन्। उनी त मौन सेवाको राजनीतिमा विश्वास गर्ने व्यक्ति हुन्, जसको काम बोल्छ, नाम होइन।

फरमुल्लाह मन्सुरले जीवनलाई सुविधाको तराजुमा तोलेनन्। उनले जीवनलाई उत्तरदायित्वको काँधमा बोके। आफ्नो निजी सम्पत्तिलाई समाजको दुःखसँग साट्दै उनले वृद्धाश्रम खोले—जहाँ बुढ्यौलीले थाकेका शरीरले मात्र होइन, उपेक्षित आत्माले पनि विश्राम पाउँछन्। त्यो वृद्धाश्रम कुनै भवन मात्र होइन, फरमुल्लाह मन्सुरको करुणा, संवेदना र सामाजिक चेतनाको मूर्त रूप हो।

२०२६ सालमा नेपाल विद्यार्थी संघबाट राजनीतिक यात्रा सुरु गरेका फरमुल्लाह मन्सुरले बितेका लामो समयदेखि बारा जिल्लालाई आफ्नो कर्मभूमि बनाउँदै सामाजिक सेवाका अनेक मोर्चामा आफूलाई समर्पित गर्दै आएका छन्—तर समाचारका शीर्षकमा होइन। विपत्तिमा साथ दिने हात, अभावमा उमिने आँसु र निराशामा भरोसाको स्वर बनेर उनी निरन्तर सक्रिय रहे। उनले कहिल्यै आफ्नो सेवाको मोल मागेनन्, कहिल्यै प्रचारको खोजी गरेनन्। त्यसैले सायद उनी ‘चर्चित’ होइनन्, तर ‘विश्वसनीय’ छन्।

राजनीतिमा आजीवन लागेको फरमुल्लाह मन्सुरको दृष्टि सधैँ भविष्यतर्फ रह्यो। युवालाई नेतृत्वमा ल्याउने सवालमा उनले साहसिक अडान लिए। पार्टीभित्र युवाको नेतृत्वका लागि बाटो खोल्दै गगन थापालाई सभापतिको प्रस्ताव राख्नु उनको दूरदर्शिताको प्रमाण हो। सत्ता होइन, प्रणाली सुधार र पुस्तान्तरण नै उनको राजनीतिक साधना रह्यो।
कसैलाई गाली गर्नु उनको राजनीति होइन। रिस र द्वेषभन्दा माथि उठेर सहमति र समझदारी खोज्नु उनको स्वभाव हो। त्यसैले उनी विवादका केन्द्रमा होइनन्, भरोसाको वृत्तमा बस्छन्। मौनता उनको कमजोरी होइन, गहिराइ हो—जहाँबाट निर्णयहरू परिपक्व भएर निस्कन्छन्।

संविधान सभा सदस्यका रूपमा राष्ट्र निर्माणको यात्रामा सहभागी भइसकेका फरमुल्लाह मन्सुर यो पटकको निर्वाचनमा पनि जनभावनाको साथ लिएर अघि बढिरहेका छन्। जनताले उनको अनुहारभन्दा कर्म चिन्छन्, भाषणभन्दा इतिहास पढ्छन्। यही जनविश्वासले संकेत गर्छ—यो पटक उनको जित केवल सम्भावना होइन, सुनिश्चित यथार्थ हो।
राजनीतिमा चर्काहटहरू धेरै छन्, तर जालझेलहरू थोरै। फरमुल्लाह मन्सुर त्यही थोरैमध्ये एक हुन् जो प्रकाश देखाउन होइन, अँध्यारो हटाउन राजनीति गर्छन्।