सिड्नी । युवकलाई ब’ला’त्का’र गरेको आरोपमा दोषी ठहर भएका अस्ट्रेलियाका पूर्वमन्त्री ग्यारेथ वार्डलाई अदालतले झन्डै ६ वर्ष जेल सजाय सुनाएको छ।
न्यू साउथ वेल्सका पूर्व अपाङ्गता सेवामन्त्री वार्डमाथि २०१९ मा एक युवकमाथि यौन दुर्व्यवहार गरेको आरोप लागेकामा अदालतले उनलाई दोषी ठहर गर्दै ५ वर्ष ९ महिनाको कैद सजाय सुनाएको हो।
अदालतले सजाय सुनाउँदै वार्डको अपराध सार्वजनिक विश्वासविरुद्ध भएको र सार्वजनिक पदमा रहेर यस्तो कृत्य गर्नु झन् गम्भीर रहेको उल्लेख गरेको छ।
वार्डले भने आफू निर्दोष भएको दाबी गर्दै उच्च अदालतमा फैसलाविरुद्ध अपील गर्ने तयारी गरेका छन्।
Write your Comment